बेसन लाडू

बेसन लाडू!!!!सिर्फ नाम ही काफी है!!!

असे म्हणावेसे वाटते. दिवाळी आणि त्यातील फराळाचे पदार्थ ही एक अनोखी मेजवानीच आहे. प्रत्येक पदार्थाचे वेगळे महत्व आणि वेगळी चव,लगेच तोंडात रेंगाळत रहाते.
डायट, फॅट्स असे सगळे शब्द विसरायला होतात.

त्यातल्या त्यात सगळ्यात करायला सोपे वाटणारे लाडू कोणते तर बेसन लाडू. 

साधी रेसिपी अगदी, वाटीभर बेसन घ्यावे, गॅस वर जाड बुडाच्या भांड्यात दीड वाटी तुपात मंद आचेवर भाजावे, तांबूस रंग येई पर्यंत, मग थोडे दूध शिंपडावे आणि ढवळत राहावे. पीठ चांगले फुलून आले आणि मोकळं झाले की गॅस वरून उतरावे. थोडे थंड झाले की त्यात वाटीस पाऊण वाटी पिठिसाखर घालावी,  वेलची पूड, बदाम तुकडे केलेले, पिस्ता, जायफळ घालावे आणि छान गोल लाडू वळावे. 

ही रेेेसीपी ह्या पुुुस्तकातील आहे. 1930 सालचे हे पुुुस्तक गेेली अनेक वर्षे माझ्याकडे आहे. 

अर्थात त्यात त्यांनी मापे अच्छेर, शेर अशी वापरली आहेत आणि गॅसच्या ऐवजी चूल,पण मी थोडा बदल केला आहे आणि दिली आहे.

वाचताना साधी रेसिपी वाटली तरी चुकाही खूप होऊ शकतात, त्या जो कोणी ब्लॉग वाचेल त्याने शेयर कराव्यात.

खरंच हा पदार्थ करायला सोपा, खायला छान पण healthy आहे का? असा प्रश्न अनेकांना पडत असेल. 
साखर असल्यामुळे असे वाटते की नको खायला, रंग पहिला की पटकन हात लाडवाकडे जातो.

बेसन हे प्रामुख्याने भरपूर प्रोटीनयुक्त आहे. एक लाडू 300 कॅलरीचा असतो त्यात कार्बोहायड्रेट 150 कॅलरी, प्रोटीन 30 कॅलरी, फॅट्स 120 कॅलरी. सर्वसाधारण जेवणात 2000 कॅलरी असाव्यात तर त्यातील 15% कॅलरी ह्या एका लाडवात असतात. 

खावा की न खावा? To eat or not to eat?
जरूर खा, खुप healthy नाही पण एक लाडू निश्चित चालेल.

त्यातून आपण डाळ जर रसायन विरहित वापरली तर अजून उत्तम. ड्रायफ्रूटस सुद्धा नैसर्गिक रित्या तयार केलेले असतील तर अजून उत्तम. गाईचे तूप असेल तर सोन्याहून पिवळे, आणि लाडवाला रंग ही मस्त येईल. तोंडात टाकल्या टाकल्या विरघळला तर तो लाडू मस्त.

साखरेला पर्याय काय?? 

अनिता घाटणेकर
विशुद्धम
9881714890

Comments

Post a Comment

Popular posts from this blog

बोलका व्यवसाय : नवे कुटुंब, नवी नाती-गोती

बोलका व्यवसाय : नवे कुटुंब, नवी नाती-गोती – आयुष्य म्हणजे खरे तर एक भटकंतीच असते. आपण एका मुक्कामावरून निघतो. दुसऱ्या ठिकाणी पोहोचतो. दुसऱ्या ठिकाणावरून तिसरा टप्पा गाठतो. या साऱ्या भटकंतीत अनेक प्रकारची माणसं भेटतात. नवे प्रसंग अनुभवाला येतात. अडचणी येतात आणि त्यावर मात करण्याचे शिक्षणही याच मिळते. काही वेळा ही भटकंती ठरवून असते तर अनेकवेळा अवचित पाहुण्यासारखी ती चालून येते आणि नवे कुटुंब, नवी नाती-गोती तयार करून देते. अनेक वर्षे पुण्यातच आणि तेही अगदी सर्वोत्तम सोयी-सुविधा असलेल्या ऑफिसमध्ये ठाण मांडून बसलेली मी. गेल्या काही महिन्यांपासून ‘विशुद्धम’च्या निमित्ताने पायाला भिंगरी लावल्यासारखी खूप फिरते आहे. सोलापूर, सासवड, कराड, औरंगाबाद अशा अनेक ठिकाणी. २०१७ ला जेव्हा मी नोकरी सोडली. तेव्हा नवे काय करावे, याविषयी डोक्यात अनेक कल्पना भिरभिरत होत्या. आयुष्यातील दोन तपांपेक्षा अधिक म्हणजे तब्बल तीस वर्षे ज्या व्यावसायिक विश्लेषण विषयात झोकून देऊन काम केले. त्याच विषयात आणखी संशोधन करावे. पीएच.डी. मिळवावी, असे वाटत होते. पण विचार स्थिरावत नव्हता. यापूर्वी मी अनेक कंपन्यांमधून कामे केली. व...
Read more

सैन्द्रीय शेती - २

सैन्द्रीय शेती आणि निविष्ठा  मागच्या लेखात सैन्द्रीय शेती म्हणजे काय हे पाहिले . ह्या लेखात सैन्द्रीय पद्धतीची शेती करताना कोणते घटक वापरले जातात , तसेच सैन्द्रिय निविष्ठा पद्धती काय आहेत ? जीवाणूंचे परिणाम वाढवण्यासाठी रायझोबियम , ॲ झेटोबॅक्टर , ॲ झोस्पिरिलियम , ॲ सेटोबॅक्टर , स्फुरद विरघळवणारे जिवाणू ( पीएसबी ) या जिवाणू खतांचा वापर केला जातो . ह्याचा परिणाम असा कि उत्पादनात ८ ते १० टक्के वाढ होते . साधारण पणे सतत ऐकवत असलेले काही निविष्टांची नवे जसे , बीजामृत , जीवामृत , अमृतपाणी . दशपर्णी अर्क , संजीवनी . ह्याची प्रक्रिया काय आहेत हे इथे द्यायचा प्रयत्न आहे .   ह्या सर्व निविष्ठा निर्मिती प्रमाणित अशी नाही . परंतु शेतकऱ्यांचा अनुभव हाच ह्यात मुख्य घटक आहे . मी ह्यातील तज्ञ नाही त्यामुळे मी हि काही पुस्तकांमधून आणि शेतकऱ्यांच्या भेटी मधून केलेल्या  अ भ्यासातून हे लिहिले आहे . बीजामृत मध्ये गाईचे शेण , गोमुत्र , दूष , चुना , पोयटा माती , ट्रायकोडर्मा व्हिरिडी , पाणी ह्याचा वाप...
Read more

खपली गहू [ Emmer wheat - Read English information after Marathi ]

 EARTH'S BUFFET...!!! खपली गहू [ Emmer wheat - Read English information after Marathi ] *प्राचीन आणि वैशिष्टपूर्ण जात असून प्राचीन सभ्यतेच्या आठवणी असलेला हा गहू आहे॰ मध्य  पूर्व [इजिप्त,तर्की,इराण] या ठिकाणच्या उत्खनन्नात [इसपुर्व ९५००काळात] खपली गहू इतिहास दिसून येतो. दक्षिण आशिया भागातील इंडस व्हॅली मध्ये [इसपूर्व-७०००ते ५०००]या वेळेत पोहचला असण्याचा इतिहास आहे. भारतामध्ये खपली गहू हा कश्मीर मध्ये मध्यपुर्व पर्शिया ,अफगाणिस्तान येथून आणि दक्षिण भारतात उत्तरपुर्व आफ्रिका मधून आले असण्याचे अनुमान आहे.  *शेतातून काढणी केल्यानंतर टणक अशा टरफलात असणारा हा गहू असून एका तुसात २ दाणे असतात.बियाण म्हणूनही तो टरफलासाहित वापरला जातो. *तांबड्या रंगाचा व लांबसडक असलेला हा गहू  उपयोग आणणाच्या अगोदर गिरणीत नेवून भरडावा लागतो.  *आंध्रप्रदेश,कर्नाटक ,तमिळनाडू, महाराष्ट्र या राज्यातील काही भागात हा गहू पिकवितात. *जोडगहू, पोपटीया -गुजराती,सांबा -कर्नाटक या नावाने ही खपली गहू ओळखला जातो. *पौष्टिकता [ /१००ग्रॅम ] प्रथिने                ...
Read more